စီးပွားရေးမြို့တော် ရန်ကုန်တွင် ခွဲတမ်းကျ လျှပ်စစ်မီးပင် ပုံမှန် မရတော့
Saturday, March 7, 2009
သောကြာနေ့၊ မတ်လ 06 2009 15:27 - မြန်မာစံတော်ချိန်
ရန်ကုန် (မဇ္ဈိမ)။ ။ ရန်ကုန်တိုင်း မြို့နယ်အလိုက် နေ့စဉ်အလှည့်ကျ လျှပ်စစ်မီးပေးသည့် စနစ်မှာ ပြီးခဲ့သည့် လလယ်မှ စတင်ကာ အချိန်ထက်ဝက်ချိုးမက လျှော့ကျသွားသည်။
ပြီးခဲ့သည့်နှစ် နိုဝင်ဘာလလယ်မှ စ၍ ပုံမှန်ဆိုသလို မြို့နယ်အလိုက် တနေ့ ၆ နာရီ၊ ၁၂ နာရီ၊ ၁၈ နာရီ ခွဲတမ်း ရခဲ့ရာမှ ပြီးခဲ့သည့် လလယ်မှ စတင်ကာ မြို့တွင်းမြို့နယ်များတွင် တနေ့ ၆ နာရီခန့်နှင့် ဒဂုံ၊ သင်္ဃန်းကျွန်း၊ ဒေါပုံ၊ သာကေတ၊ အင်းစိန်၊ တောင်နှင့် မြောက် ဥက္ကလာပ ဆင်ခြေဖုံး မြို့နယ်များတွင် တနေ့လျှင် ၃ နာရီခန့်သာ ရတော့သည်။
ထို့အပြင် ယခင်နှစ်များက မြို့တွင်းမြို့နယ်များဖြစ်သည့် လမ်းမတော်၊ ပန်းပဲတန်း၊ ကျောက်တံတား၊ လသာ၊ ပုစွန်တောင်၊ ဗိုလ်တထောင်နှင့် ဆေးရုံကြီးများ၊ ရှော့ပင်စင်တာများ၊ အစိုးရရုံးများသည် တနေ့တွင် ၂၄ နာရီပတ်လုံး လျှပ်စစ်မီး ရခဲ့သော်လည်း အခုအခါ သူတို့လည်း အလှည့်ကျစနစ် ဖြစ်သွားသည်။
ဤသည်မှာ နိုဝင်ဘာလဆန်းပိုင်းက တနင်္သာရီတိုင်းရှိ ဂတ်စ်ပိုက်လိုင်းများ ပေါက်ကွဲခဲ့သဖြင့် ဖြစ်ရသည်ဟု ရန်ကုန် သတင်းရပ်ကွက်များအကြား ပြောဆိုနေသည်။
ယခုအခါ စီးပွားရေးလုပ်ငန်း အများစုရှိသည့် ရန်ကုန်မြို့လယ်၌ တနေ့လုံး မီးစက်သံ တညံညံ ဖြစ်နေသည်။
လောင်စာဆီ ကုန်ကျမှုမှာ တပိုင်တနိုင် မိတ္တုကူးဆိုင်၊ ဓာတ်ပုံဆိုင်များပင်လျှင် တနေ့လျှင် ဓာတ်ဆီ တဂါလံခန့် ကုန်ကျပြီး၊ ရှော့ပင်စင်တာကြီးများ၊ ဟိုတယ်ကြီးများ၊ ဆေးရုံကြီးများဆိုလျှင် တနေ့ကို တပီပါ ၀န်းကျင်အထိ ကုန်ကျသည်။
အကျိုးဆက်အဖြစ် မီးစက်များက ကာဗွန်မိုနောက်ဆိုဒ်ဓာတ်ငွေ့ ထုတ်လွှတ်မှု ပမာဏသည် များပြားသဖြင့် ရန်ကုန်မြို့၏ လေထုညစ်ညမ်းမှု သတ်မှတ်စံနှုန်းပမာဏ 10 PM ထက် ကျော်နေသည်ဟု ရန်ကုန်မြို့တော် စည်ပင်၊ သစ်တော ဦးစီးဌာနနှင့် ဆေးသုတေသနက ပူးပေါင်းကောက်ယူသော စစ်တမ်းတွင် ဖော်ပြထားသည်။
ဆင်ခြေဖုံး မြို့နယ်များတွင် နေထိုင်သူများလည်း မီးလာချိန်၌ပင် စည်ပင်က လွှတ်ပေးသည့် ရေ မလာသဖြင့် မီးစက်ငှားပြီး ရေတင်ရသည်။ မီးစက်ငှားရမ်း ရေတင်ခမှာ ယခင်က တနာရီလျှင် ကျပ် ၉၀၀၀ နှင့် တသောင်းခန့် ရှိခဲ့သည်။
သို့သော် ယခုအခါတွင် လောင်စာဆီ ဈေးနှုန်းများ ကျနေသဖြင့် တနာရီလျှင် ကျပ် ၄၀၀၀ ခန့် ကုန်ကျသည်။
စာမေးပွဲ ဖြေဆိုကာလတွင် လျှပ်စစ်မီး ဆိုးရွားစွာ ပျက်နေသဖြင့် ကျောင်းသားများအဖို့ ညပိုင်းတွင် စာကျက်ရန် အခက်အခဲ ဖြစ်ရပြန်သည်။
လက်ရှိ လျှပ်စစ်မီး ပြတ်တောက်မှုကို ပိုမိုသိရှိရန်အတွက် ယခင်က ပြည်တွင်း သတင်းဂျာနယ်များကို ဖြေကြားလေ့ရှိသည့် ရန်ကုန်မြို့တော် လျှပ်စစ်ဓာတ်အား ဖြန့်ဖြူးရေးအဖွဲ့ ဥက္ကဋ္ဌ ဗိုလ်မှူးကြီးမောင်မောင်လတ်ကို အကြိမ်ကြိမ် ဆက်သွယ်မေးမြန်းရာ ဖြေဆိုခြင်း မရှိခဲ့ပါ။
တရားဝင် သတင်းထုတ်ပြန်သည့် လျှပ်စစ်ဓာတ်အား ပေးချိန်များကို မြို့နယ်အလိုက် ABC ဟူ၍ အုပ်စု ၃ စု သတ်မှတ်ရာ လျှပ်စစ်မီး ရရှိ၊ ပြတ်တောက်သည့် အချိန်များမှာ အောက်ပါအတိုင်း ဖြစ်သည်။ (မြို့နယ်အလိုက် ၃ ရက် အလှည့်ကျ ရရှိခြင်း ဖြစ်သည်။)
ပထမနေ့ - နံနက် ၅ နာရီမှ နေ့လည် ၁၁ နာရီအထိ လာ၊
နေ့လည် ၁၁ နာရီမှ ညနေ ၅ နာရီအထိ ပျက်၊
ညနေ ၅ နာရီမှ နောက်တနေ့ နံနက် ၅ နာရီအထိ လာ၊
စုစုပေါင်း လျှပ်စစ်မီး ရရှိချိန် - ၁၈ နာရီ။
ဒုတိယနေ့ - နံနက် ၅ နာရီမှ ညနေ ၅ နာရီအထိ ပျက်၊
ညနေ ၅ နာရီမှ ည ၁၁ နာရီအထိ လာ၊
ည ၁၁ နာရီမှ နောက်တနေ့ နံနက် ၅ နာရီအထိ ပျက်၊
စုစုပေါင်း လျှပ်စစ်မီး ရရှိချိန် - ၆ နာရီ။
တတိယနေ့ - မနက် ၅ နာရီမှ နေ့လည် ၁၁ နာရီအထိ လာ၊
နေ့လည် ၁၁ နာရီမှ ညနေ ၅ နာရီအထိ ပျက်၊
ညနေ ၅ နာရီမှ ည ၁၁ နာရီအထိ လာ၊
ည ၁၁ နာရီမှ နောက်တနေ့ နံနက် ၅ နာရီအထိ ပျက်၊
စုစုပေါင်း လျှပ်စစ်မီး ရရှိချိန် - ၁၂ နာရီ။
သို့သော် နေ့လည်ပိုင်း အသုံးများသည့် မြို့တွင်းမြို့နယ်များတွင် နေ့လည် မီးလာရမည့် အချိန် ပုံမှန်မလာဘဲ၊ ညနေမှသာ လာလေ့ရှိသည်။
နေ့လည်ပိုင်း အသုံးနည်းသည့် ဆင်ခြေဖုံးမြို့နယ်များတွင်မူ နေ့လည်ခင်း မီး ပုံမှန်လာပြီး၊ ညနေပိုင်း လာရမည့် အချိန်၌ ပျက်နေတတ်သည်။
0 comments: to “ စီးပွားရေးမြို့တော် ရန်ကုန်တွင် ခွဲတမ်းကျ လျှပ်စစ်မီးပင် ပုံမှန် မရတော့ ”
Post a Comment